Ushbu tadbirda tumandagi bir nechta mas’ul tashkilot rahbarlari, huquqni muhofaza qiluvchi organlar vakillari hamda mutasaddilar ishtirok etdilar. Muhokama davomida hududda qayd etilgan jinoyat va huquqbuzarliklar tahlil qilinib, ularning kelib chiqish sabablari atroflicha ko‘rib chiqildi. Shuningdek, tadbir doirasida “e’tibordagi oilalar” farzandlari bilan ochiq muloqot va suhbatlar o‘tkazildi. Suhbatlar davomida yoshlarga jinoyatchilikning salbiy oqibatlari, qonunbuzarliklar uchun javobgarlik, shuningdek, to‘g‘ri hayotiy yo‘lni tanlashning ahamiyati tushuntirildi. Mas’ullar tomonidan yoshlarning muammolari, taklif va fikrlari tinglanib, ularni qo‘llab-quvvatlash, bandligini ta’minlash va bo‘sh vaqtlarini mazmunli tashkil etish bo‘yicha aniq chora-tadbirlar belgilab olindi.