Toshloq tumanida dala chetlaridan unumli foydalanish masalalariga bag‘ishlangan amaliy seminar bo‘lib o‘tdi. Mazkur tadbir O‘zbekiston Respublikasi Prezidentining 2024-yil 30-dekabrdagi PQ-465-son qarori ijrosini ta’minlash doirasida tashkil etildi. Seminar davomida fermer xo‘jaliklari rahbarlari va yer egalari uchun dala chetlaridan oqilona foydalanish, qo‘shimcha hosil yetishtirish hamda agrotexnik tadbirlarni samarali yo‘lga qo‘yish bo‘yicha amaliy tavsiyalar berildi. Mutaxassislar tomonidan yer maydonlaridan samarali foydalanishning zamonaviy usullari, iqtisodiy samaradorlikni oshirish yo‘llari hamda serhosil navlarni tanlash masalalari atroflicha muhokama qilindi.